September 1, 2020 By Admin 1

جاپان کا پرواز کرنے والی کار کے کامیاب تجربے کا دعویٰ

جاپان کا پرواز کرنے والی کار کے کامیاب تجربے کا دعویٰ

گوگل اور اوبر سمیت جرمنی، فرانس، جاپان، امریکا، سوئٹزرلینڈ اور چین کی کئی کمپنیاں ایسی کاریں تیار کرنے میں مصروف ہیں جو کہ  نہ صرف اڑنے کی صلاحیت رکھیں  گی بلکہ وہ پیٹرول ‘ ڈیزل کی بجائے بجلی پر چلیں گی۔گاڑیاں تیار کرنے والی کمپنیوں میں جاپانی کمپنی اسکائے ڈرائیو انشورنس بھی ہے، جس نے یہ دعویٰ کیا ہے کہ ان کی بنائی ہوئی چھوٹی پرواز کرنے والی گاڑی یعنی کار کو اڑانے کا کامیاب تجربہ کر لیا ہے۔امریکی اقتصادی جریدے فوربز نے اپنی رپورٹ کو شایہ کرتے ہوے اس میں بتایا گیا ہے کہ جاپان کار ساز کمپنی ٹویوٹا کی معاونت سے چلنے والی نئی کمپنی اسکائے ڈرائیو انشورنس نے دعویٰ کیا ہے کہ انہوں نے اڑنے والی کار کا کامیاب تجربہ کر لیا ہے۔

 

اسکائے ڈرائیو انشورنس کمپنی نے پرواز کرنے والی کار کو اڑانے کی مختصر ویڈیو بھی جاری کی، جس میں ہیلی کاپٹر کی طرح کی کار کو زمین سے 5 فٹ کی بلندی تک کم رفتاری میں اڑتے ہوئے دیکھا جا سکتا ہے۔اس ویڈیو میں دیکھا جا سکتا ہے کہ کار کا ڈیزائن بلکل ہیلی کاپٹر جیسا ہی ہے پر اس میں صرف ایک ہی شخص کے بیٹھنے کی گنجائش رکھی گئی ہے۔ جب کہ کار فرنٹ پر ہیلی کاپٹر کی طرح چھوٹے پربھی لگائے گئے ہیں۔

 

اسکائے ڈرائیو کمپنی کے مطابق ابتدائی تجربے میں کار کو ٹویوٹا کی تجرباتی فیلڈ میں 4 منٹ تک زمین سے تھوڑی سی بلندی پر ہی اڑایا گیا تاہم کمپنی آنے والے وقت میں اس کی اڑنے کی صلاحیت میں مزید بہتری لاکر اسے مسلسل 30 منٹ تک اڑنے کے قابل بنا لے  گی۔جاپانی کمپنی نےاس کار کو ایس ڈی تھری کا نام دیا ہے جو دکھنے میں اسٹار وارز فلم میں دکھائی گئی پرواز کرنے والی کاروں جیسی ہی  ہے۔جس کی وڈیو آپ نیچے ملاحضہ کر سکتے ہیں۔

https://www.youtube.com/watch?v=WhzmR07WeKU

کمپنی گزشتہ 8 سالوں سے ایسی کار بنانے میں مصروف تھی اور اب کمپنی نے کار کے ابتدائی کامیاب تجربے کے بعداس بات کا امکان ظاہر کیا ہے کہ 2023 تک اس کار کو فروخت کے لیےمارکیٹ میں پیش کیا جائے گا یا پھر اس کار کوکمرشل بنیادوں پر چلایا جا سکے گا۔اسکائے ڈرائیوکمپنی کے مطابق اس کار کی اڑنے کی صلاحیت کو30   منٹ تک بڑھانے اور اسے 30 فٹ کی اونچائی تک اڑانے کے قابل بنانے کے بعد اس کی آزمائشی اڑان کو بڑھایا جائے گا، جس کے بعد ہی کمپنی اس کار کو فروخت کرنے یا پھر نہ کرنے کا فیصلہ کرے گی۔

 

یاد رہے کہ جاپانی کمپنی کی جانب سے 2017 میں ایک جرمن کمپنی نے بھی ایک کار کو اڑانے کا کامیاب تجربہ کیا تھا تاہم ابھی تک اس گاڑی میں مزید کوئی بہتری نہیں آ سکی۔اور اسی طرح جنوری 2019 میں امریکی ریاست ورجینیا میں بھی بوئنگ کمپنی کی بنائی گئی پروان کرنے وایل کار کو اڑانے کا کامیاب تجربہ کیا گیا تھا۔

رواں ماہ 26 اگست کو خبر سامنے آئی تھی کہ امریکی ایئر فورس نے اپنی ہی تیار کردہ کار کو اڑانے کا کامیاب ابتدائی تجربہ بھی کیا ہے اور یہ خیال کیا جا رہا ہے کہ ایئرفورس کی اس اڑنے والی کار کو بھی 2023 تک عام سواری کے لیے پیش کیا جائے گا۔

اے سی کم بل میں چلانے کا آسان طریقہ بجلی کا بل آئے آدھا

 

You Want Electronics item’s Online Click Here:

Home electronics